لو دي أول مرة تفكر تشتري فيها وحدة، سواء للسكن أو الاستثمار، طبيعي تكون متحمس… وطبيعي أكتر تقع في أخطاء ناس كتير وقعت فيها قبلك.
بس الفرق بين اللي بيكسب في العقار، واللي بيتورط… هو اللي بياخد وقته، وبيسأل، وبيفكر بمنطق.
المقال ده هيساعدك تتجنب أكتر 5 أخطاء شائعة بتخلي الناس تندم بعد التوقيع.
1. الحكم على المشروع بالشكل بس
الصور حلوة؟ التصميم عصري؟ الإعلان مشوّق؟
جميل… بس ده لا يعني إن المشروع مناسب ليك.
اللي يهم فعلًا:
-
موقف الأرض والتراخيص
-
نسبة التنفيذ الفعلية
-
مين اشترى قبل كده؟ وهل في تسليمات حصلت؟
-
تاريخ المطور مع مشاريع تانية
نصيحة: الصور ما تبنيش قرار… الأرض اللي اتنفذ عليها اللي تحكم.
2. التركيز على السعر وإهمال القيمة
الناس ساعات بتنبهر بـ”المتر الأرخص”،
لكن مابيبصوش على:
-
جودة التشطيب
-
موقع المشروع الحقيقي
-
الخدمات المتاحة حوالين المشروع
-
المدة الزمنية للاستلام
-
هل فيه نقل ملكية حقيقي؟ ولا عقد شراكة مع جهة تانية؟
نصيحة: سعر المتر ده رقم … بس القيمة بتتحسب باللي هتاخده فعلًا من الوحدة.
3. التسرّع بسبب “العرض اللي هينتهي بكرة”
واحد من أشهر أساليب الضغط هو “الخصم لمدة 24 ساعة”،
بس السؤال هو:
هل انت محتاج العرض ده؟
ولا هو مجرد عرض مغري على وحدة مش مناسبة ليك؟
نصيحة: العرض الصح هو اللي يتماشى مع خطتك، مش اللي يخلص النهارده.
4. التعامل مع أي مندوب بدون استشارة مستقلة
الفرق بين المندوب والمستشار إن الأول هدفه البيع، والتاني هدفه إنك تختار صح.
المندوب بيشتغل لصالح شركة واحدة،
لكن المستشار ممكن يعرض عليك أكتر من مشروع، ويقارن معاك بناءً على هدفك مش العمولات.
نصيحة: اسمع من حد مالوش مصلحة مباشرة في قرارك… وبيفكّر معاك بضمير.
5. التوقيع قبل فهم كل بنود العقد
ناس كتير بتوقع علشان “نلحق السعر”، وتتفاجئ بعد كده:
-
إن تاريخ التسليم مش محدد
-
أو إن فيه شروط جزائية لو اتأخرت في الدفع
-
أو إن الصيانة بتزيد سنويًا بشكل مش منطقي
-
أو إن العقد ما بيديشك أي ضمان حقيقي
نصيحة: خليك صبور … واقرأ كل بند، واستشر محامي أو مستشار فاهم قبل أي توقيع.
الخلاصة:
أنت بتشتري حاجة ممكن تفضل معاك سنين…
ماينفعش تتعامل مع القرار ده كأنه عرض في سوبر ماركت.
كل خطوة بتاخدها النهاردة، بتحدد هتكون مرتاح بعد سنة؟
ولا هتبقى بتجري ورا مطور مش بيرد عليك.
اشتري بعينك، بعقلك، وبمستشار واقف في صفك.
احجز استشارتك المجانية قبل ما تاخد أي خطوة